Munazzamatu Al Dawa Al islamiyya Wafdi ka socday oo soo gaaray Muqdisho

jiinka July 28, 2017 0
Munazzamatu Al Dawa Al islamiyya Wafdi ka socday  oo soo gaaray Muqdisho

Wafdi ka socday  Munazzamatu Al Dawa Al islamiyya oo uu hoggaaminayay Agaasime Goboleedka  mudane  Khalid Hassan  Khalid  oo u dhashay dalka Sudan ayaa booqasho  ku yimid  xafiiska  Muqdisho ay ku leeyihiin Munazzamatu Al Dawa Al islamiyya.

Wafdiga ayaa waxaa garoonka diyaaradaha Muqdisho ku soo dhaweeyay Madaxa Xafiiska Muqdishu ee  Munazzamatu Al Dawa Al islamiyya Mudane Sayidcali Xuseen iyo xubno kale oo ka tirsan  xafiiska, iyadoo wafdigaasi uu soo kormeeray  xeryaha barakacayaasha, wasaaradaha ku howlan arriamaha bulshada sida wasaaradda waxbarashada , wasaaradda shaqada, wasaaradda diinta iyo Awqaafta  iyo wasaarada gargaarka Aadanaha.

Madaxa Xafiiska Muqdisho ee  Munazzamatu Al Dawa Al islamiyya Mudane Sayidcali Xuseen oo la hadlay saxaafadda intii ay ku guda jireen booqashadii kala duwaneyd  ayuu u mahadceliyay wafdigaasi booqashada ay ku yimaadeen Muqdisho isagoo tilmaamay in ay dalka ka jirto xaalad adag oo dhinaca nolosha ah iyo in loo baahan yahay mashaariic horumarineyd  oo dhinacyo kala gedisan ah.

Agaasime Khalid oo ahaa Madaxa wafdiga hey’adda Al dawa ee Suudaan ayaa sheegay in ujeedada wafdigani ay tahay sidii ay ugu kuurgali lahaayeen Mashaariicda ay ka fuliyaan dalka Soomaaliya iyo  xaalada nololeed ee barakacayaasha ku sugan magaalada Muqdisho iyo Nawaaxigeeda.

Wafdigaasi ayaa la kulmay mas’uuliyiinta hey’adaha  Dowladda iyo hey’adaha samafalka ee  ka howl gala Soomaaliya.

 

Leave A Response »